Strasbourg 29.09.2013

Strasbourg 29.09.2013


         Drago amala,kolegoja,
         Drago Romalen, devlesa arakaf tumen.



Ande Europa reslam ande jek situacija te nashaven amare manushen, kaij mudaren amare chavoren amari kultura amari nacija.

Avilas o momento te kidas amen te rodas droma anda kadij bari bibaxtali kriza.

Sar dzjanen e mandaturi amare delegatongi nakel kado bersh.

Dzi akana, chi jek anda amare umbreli ci kerdas oficijalno registracija. Kodo bishol; ke kado amaro kidipe le forumosko sas te avel o palutno!

Sar penen amare statutija le delegaton si noma maksimalno duj drom mandaturi. Maij but tumendar sas te na achjen amenca; Tumenca sas te merel o Forumo.

Kana diklam kadij situacija astardam te keras bucij te paruvas amare statutija te shaij te keras maij dur bucij.

Tumen dzanen, ke amere delegaton naij love, naij len shaijpe/shanca te keren amenca profesionalno bucij.

E thema save vasde amenca o Forumo, e Thema save pende ke dzjutin amare delegaton, vi ke dzutin tumen lovenca, thaij te len tumen sar partnero, - mukle amen pe dopash drom.

Von dilijarde tumen, thaij vi amen.

But thema ci kamen te traijl o Forumo, e angluni cacij internacionalno romani organizacija ande europa.

Amen cij kamas thaij ci birisaras te mukas te dzan tumen amendar. Tumen san e representanturij katar maij but sar 1.500 romane organisacije.

Tumen te si te anklen, anda Forumo ke nakol tumaro mandato - naij fair!

Amaro Statuto sas jek bilasho kompromiso vov andas amenge but problemuri, xolija thaij blokadij.

Amen rodam drom sar te ashavas tumen amenca, amare amalen, phralen thaij phenijan save keren lashi bucij ande tumare thema.

1                                                          

Vasdam jek grupa savij kerdas maij but sar jek bersh bucij te paruvel o statuto thaij te surarel e bucij le Forumoski.

E Fondatorurija, o Finlando thaij o Exekutivno Bordo  le Forumumosko reslas pe ando Helsinki, ando Strasburgo, ando Hamburgo thaij vi ande Macedonija.
Kerdam bucij te arakas nevo drom amenge.


Loshalo sim te bishavaf tumenge adzijves o resultato – o nevo statuto amare neve Forumosko.

Mangaf tumen te den tumaro suporto pe amaro savorengo Forumo le Romengo.

Astaras maij surali bucij  te anklas khetane anda kadij bibaxtalij Situacija pe sa o Roma ande Europa. Ande amare vast si o traijo amara nacijaki.

Pashe bishavaf tumenge o finalno drafto le neve statusosko ande aglikanij ship pe savo mangaf tumen te den tumaro voto po plenaro.

Kana si tumen pushimata shaij roden man vi po telefonij.


Tumaro phral,


Rudko